رواية ضرتي رنا وزياد
زياد وهو يحتضنها بحب لا لسه بحبك وعمرى ماحبيت غيرك
ابتسمت أميرة لكن انصدمت لما كمل
بس لو هختار بينك وبين ابنى هختار ابنى هو عندى اغلى من اى حد فى الدنيا حتى انتى مش هقدر استغنى عن رنا
عشان هيا ام ابنى الوحيد انا آسف يااميرة سامحينى انتى طالق
انتبهت اميرة أما زياد بعدها عن حضنه وغمضت عنيها بألم كانت بتتخيل انه طلقها
زياد ببرود امشى من البيت يااميرة مش عايز اشوفك هنا تانى
نادر بزعيق انت بتقول ايه يازياد انت عايزها تمشى دلوقتى فى الليل
هزت امهم راسها بتأيبد ايوة يابنى مينفعش الوقت اتأخر خليها وتمشى بكره
زياد ببرود تمام وبعدها خد حمزة وطلع
قربت رنا من أميرة وهيا بتبصلها بشماته وقالتها بصوت واطي
مش قولتلك قبل كدة ياانا ياانتى فى البيت ده
وبعدها طلعت ورى زياد وهيا بتمثل الحزن
سيبك منه انتى مش هتسيبى البيت يااميرة
بصتله أميرة بحزن وردت مش هينفع اقعد هنا تانى يانادر اخوك مش بيصدقنى وبئا مش طايقنى من ساعة ماتولد حمزة
نور ماهو كله ياختى من ورى عمايلك الحلوة الغيرة بتعمل اكتر من كدة
نادر بزعيق نووووور كفاية بئا يلا اطلعى على الاوضة مش عايز اشوف وشك
الام خلاص انتو كمان هتضاربو قدامى
نور فى سرها والله لكون منكدة عليك يابن فوزية
