رساله غيرت حياتي كامله
المحتويات
مش الشغل اعدت اواسيه وقولت هحاول اخليه ينسي الي بيكلمها جايز كانت نزوة ويتغير ويرجع ل عقلة وبيته وعياله....
وفي عز ما احنا بنتكلم جاتله رساله عالواتس جري بسرعه عالتليفون وانا كمان مسكت التليفون اراقبه من عندي وعملت نفسي فاتحه الفيسبوك عادي...
لقيت الرقم ده باعتله ...
_ انت لسه زعلان مني خلاص بقي...
_ والله مقدرتش انزل خالص ماما كانت تعبانه وبابا كان مش فالبيت ومعرفتش اكلمك....
_ بس كنتي حتي ابعتيلي متسبنيش واقف كل ده انا كنت هتجنن عليكي افتكرت حصلك حاجه وبعدين انتي وحشتيني اوي بقالي يومين مشوفتكيش...
_ وانت كمان وحشتني...
_ خلاص انا بكرة مش هروح الشغل وهقضي اليوم معاكي هستناكي...
صدمتي كانت كبيرة فيك يا آدم معقولة الكلام دا بتقوله لحد غيري ومين دي الي انت بتكلمها انا اتأكدت انها مش متجوزه عشان عايشه مع اهلها ياترا متفقين عالجواز كمان ورايح تقضي معاها اليوم فين بكرة ولا يمكن اصلا تكونوا متجوزيين
فضلت سرحانه وانا مش واخده بالي لقيته بيندهلي..
_ هند ...هند .. مالك سرحانة في ايه ....
_ تعرفي انك حلوة اوي النهاردة...
ابتسمتله ومردتش عليه ودخلت الاوضه بتاعتي اعدت ابص فالمرايا ياتري انا ناقصني ايه ليه يكلم واحده عليا انا لازم انهي الموضوع دا انا مش هفضل ساكته كتير
قررت اني خلاص هنزل بكرة واراقبه عشان اعرف مين الي بيقابلها دي ...
كلمت سواق اتفقت معاه يجيلي بكرة من بدري يستناني في شارع جمب البيت وقولتله اني هديله المبلغ الي هو عاوزه بس يسكت وميقولش لحد ....
ونزلت ابليكيشن عندي وهو كان فالحمام عملتله موافقه من تليفونه يعرفني هو فين بظبط والموقع بتاعه ...
لبس ونزل ومتشيك طبعا عشان يقابل الهانم وانا قومت بسرعه لبست عباية بتاعه والدتي الله يرحمها عشان متأخرش ونزلت وفضلت ماشيه وراه عن طريق التليفون لحد مالقيت عربيته راكنه عند كافيه كبير في المعادي....
يتبعالجزء الثالث
قربت عالكافيه وبصيت من بعيد لقيته قاعد وماسك ايد بنت عمي....ايوة بنت عمي الي زي اختي ....
انا الي دخلتها بيتي ب ايدي ....
كانت اي مشكلة تحصل اكلمها احكيلها واخليها تكلمه تصلح بينا وانا كمان الي كنت بخليه يروح يوصلها للجامعه بتاعتها في طريقه ولما عزلوا من بيتهم انا الي قولتله يشطبلهم بيتهم الجديد لانه بيشتغل مهندس و دا شغله ....
انا الي عملت كل دا في نفسي وانا الي هتحمل
متابعة القراءة
