في بيتنا عفريت كامله منقوله
بابا كان تعبان من اسبوع ، رحت اشوفه الصبح وجوزي كان معايا وقعدنا طول اليوم عنده .. ولما رجعنا البيت طلب مني اعمله قهوة رحت ، دخلت المطبخ لقيته حر وسخن اوي كإن حد كان بيطبخ وفعلا لقيت الفرن سخن وحد كان بيعمل حاجة فيه .. بصراحة اټرعبت وجريت علي جوزي وملقيناش تفسير للي حصل وجوزي كمان كان مستغرب اكتر مني . المهم بعد حوالي ٣ ساعات اندهاش نمنا من تعب المشوار بس الموضوع مطلعش من دماغي .
** من كام يوم نزلت تاني اتطمن علي بابا وقعدت حوالي ٥ ساعات عنده وحوالي ساعه ف الطريق يعني تقريبا قضيت نص اليوم بره ولما رجعت لقيت أوضة النوم متلجة كإن حد لسة طافي التكييف .. بسرعه اتصلت بجوزي ييجي من شغله وساب كل حاجة وجري فضلت اعيط واقوله الشقة مسكونه وهو يحاول يهديني .. خدت كام بيجامة ورحت عند بابا وجوزي جه معايا عشان كنت مڼهارة اوي وقعدنا اليومين دول عند بابا
وهوب الاقي باب الشقة بيفتح من بره وحماتي داخلة لقيتنا ف وشها قالتلنا انتوا ايه اللي جابكوا ومتصلتوش ليه تقولوا انكوا جايين 🤐 ساعتها لقيت جوزي اتكتم من الصدمة او من الكسفة مشعارفة بالظبط احساسه كان ايه بس هو وقف ومنطقش .
- دلوقتي الموضوع كبر اوي وحماتي مش عايزاني ف البيت وبتقول لجوزي لو لسه باقي عليها بعد مابهدلت امك تروح تقعد معاها بره وتسيب الشقة دي .
- جوزي جاب اخواتها الرجالة واشتكي انها خدت مفتاح الشقة من ورانا وبدون غير استئذان وعيشتنا ف ړعب واحنا عرسان جداد .. فاخواتها قالوا انها غلطانه فعلآ وقالوا لجوزي يا تشوف شقة بعيد عن امك عشان تعيش مرتاح مع مراتك ، يا تغير كالون شقتك وتخبيه من امك ومراتك تراضيها وتسايس أمورها عشان تعرف تعيش معاها .
مع العلم اننا عرسان جداد ومفيش إمكانيات لشقة جديدة وطبعا انا مستحيل أراضي الست دي ،، انا بقيت بخاف منها
موووووت .
اسفة طولت عليكوا بس فعلا محتاجة رأيكوا ضروري
