مفاجأة صادمة عن أسعار اللحوم قبل عيد الأضحي
العيد اقترب وأسعار اللحمة كل يوم في العالي لكن السؤال هنا ما سبب ارتفاع أسعار اللحوم؟ وما حالة السوق الآن؟ ولماذا أغلقت بعض محلات الجزارة قبل العيد؟ وما التوقعات للأسعار في الفترة القادمة هل سترتفع أم تنخفض؟ تابعونا لمعرفة التفاصيل:
أسعار اللحمة الفترة الأخيرة ولعت نار ووصلت لأكتر من 400 جنيه في بعض الأماكن وده خلى ناس كتير تسال عن سبب الارتفاع ده
وممكن سعرها يرتفع تاني خصوصا مع قرب موسم عيد الأضحى، بحسب تصريحات هيثم عبد الباسط نائب رئيس شعبة القصابين قال في تصريحاته لموقع مصراوي ان سعر كيلو اللحمة ارتفع 20 جنيه في الساعات الاخيرة. وده خلاها توصل ل 420 جنيه في بعض الأماكن الراقية و450 جنيه في المحلات الكبيرة.
وكمل وقال ان سعر كيلو الكندوز لسه ثابت في المناطق الشعبية من شهر ووصل سعره الكيلو ل 360 و380 جنيه، ولما اتسأل عن سر ثبات سعر كيلو في الأماكن الشعبية وارتفاعها في الأماكن التانيه؟
رد وقال ان الجزار في الأماكن الشعبية بيتعرض لخساير كبيرة جدا وده لأنه ميقدرش يرفع السعر زي المحلات في الأماكن الراقيه وده بسبب قلة الطلب عليها.
لكن يا ترا ايه سبب ارتفاع سعر اللحمة؟عبد الباسط قال في تصريحاته لموقع مصراوي ان سبب ارتفاع سعر اللحوم هو زيادة أسعار الأعلاف وارتفاع سعر المواشي ل 160 جنيه للكيلو بدل 145 من اسبوع.
ده قال كمان بسبب ارتفاع أسعار اللحوم مبقاش فيه بيع ولا شرا وده خلي تجار كتير يقفلو محلاتهم من العيد بسبب خسارتهم لأنهم مش قادرين يرفعوا سعرها، وده بسبب حالة الركود اللي في السوق.
وبحسب موقع البوابة نيوز احمد عثمان رئيس الغرفة التجارية في الإسماعيلية ان في أسباب كتير أدت لارتفاع سعر اللحمة، لكن ايه هي الأسباب دي؟
بحسب تصريحات احمد عثمان قال ان اهم الأسباب دي هي الحرب الروسية الأوكرانية ودي كانت بداية الأزمة، واللي بسببها اتوقف الاستيراد وده ادى لنقص خامات الأعلاف المستوردة من درة وصويا ودي مكون رئيسي في العلف.
وكمان من ضمن الاسباب دي ارتفاع سعر الدولار اللي ادى لارتفاع ادوية المواشي، ده بالإضافة لارتفاع تكلفة النقل بعد زيادة السولار من المجازر للمستهلك، ولما اتسأل عن مقترحاته لحل الأزمة؟
رد وقال إننا لازم نحافظ على المواشي الصغيرة ونشدد الرقابة على ذبحها، كمان لازم وزارة التموين تشدد الرقابة على الاسعار بحيث انها تطبق تسعيرة موحدة. وقال اننا لازم نهتم بزراعة الذرة والأعلاف بشكل عام.
وبحسب تصريحات الدكتور طارق سليمان رئيس قطاع الثروة الحيواني بوزارة الزراعة في برنامج مانشيت، واللي قال إن الأسعار ارتفعت بنسبة 40% بس وده لأن الدولة بتتحمل تكاليف الإنتاج والتشغيل بشكل كامل اللي ارتفعو لأكتر من 400%
وقال كمان اننا اتاثرنا بالأزمة الاقتصادية لكن مش بشكل كبير وده لأن في مواطنين في بعض الدول بيسافروا عشرات الكيلو مترات، عشان بس يلاقوا الأكل والبروتين الحيواني لكن احنا عندنا كل حاجة موجودة في المنافذ الخاصة بينا
ودلوقتي قولنا بعد ارتفاع أسعار اللحوم هتشتري لحمه في العيد؟
