_انتى واحده مش قد المسئوليه ام مستهتره ولا بتعرفي تتعاملى مع اطفالك ولا بتعملى حاجه في البيت

عمر:اللي انتى شايفاه يا نور اعمليه بس ابني يرجع

نظرت إليه نور شرزا ثم دخلت مرة أخرى

ريهام لسه عندها وراها

عمر مسك أيدها وبعدها

_ريهام انا لحد دلوقتي ماسك نفسي بس قسما بالله لو مبطلتى اللي بتعمليه دا مش هيحصلك كويس كفايه لحد كدا

وانت يا عمى اتفضل خد بنتك وامشوا من هنا لان دا ابنى وانا اللي نتحمل علاجه وسواء المحكمه حكمتلك أو لا الولد هيفضل معايا …

_حقك يا ابنى انا اسف على اللي حصل بجد انا معرفتش اربي..

_انا اللي اسف انى اتجوزتها من الاول..

ذهبت ريهام إلى المنزل

دخلت غرفتها وبدأت بتكسير كل انش بها تخرج طاقة الغض*ب التى داخلها فهى مثلما يقول البعض مريضه

_وانتى شايفه انك كدا صح انا مكنتش اتصور خالص يا ريهام انك كدا جوزك كان بيحبك وابنك قلبتيه انتى اي شي”طانه.

_ايوا انا شي”طانه والست نور اللي ملاك اه منا عارفه انها عينها من جوزي بس والله العظيم مهخليها تتهنى يوم واحد على اللي قالتهولي دا انا تقولي كدا حته الجر”بوعه دي…

_انا مش عارف انتى حطاها في دماغك لي بس هقولك ربنا يشفيكي…

وصل يحيي المنزل

عمر:يلا يا يحيي تعالى معايا

مسك يحيي بيد نور بقوة وكأنه يقول لها

“مش انتى قولتيلي هقعد معاكي”

_احم يحيي هيفضل معايا ومتقلقش انا هاخد بالي منو

الام:سيب يحيي مع نور يا عمر هي هتتصرف وهتاخد بالها منو …

نظر عمر الى نور التي كانت تنظر له نظرات لا يعرف معناها حتى الآن لماذا تنظر إليه بتلك النظرات!؟.

_تمام يا امي

ارجوكي يا نور خلي بالك منو.

مر يوم والثانى وحاله يحيي بتتحسن ونور معاه وعمر بيسأل عليه من وقت التانى وفي يوم..

كان يحيي يجلس يلعب فى الحديقه مع نور …

_يحيي انا هروح اجيب حاجه وجايه اوعى تروح في حته

وفجاه سمعت صوت يحيي وهوا يص*رخ ويب*كي..

و…….كانت نور بالداخل وسمعت صوت يحيي وهوا يصرخ نزلت سريعا ولم تجد احد وكأنه اختفى

ظلت تبكي صعدت حيث شقه والده عمر

_الحقيني يا طنط يحيي اتخطف

_اي بتقولى اي يا بنتى

اتصلت بعمر

_الو يا ابني

يحيي كان مع نور تحت واتخطف

مش عارفه يا ابنى روح وشوف

على الجانب الآخر

عندما سمع عمر كلام والدته ذهب فورا الي منزل ريهام…

رن الجرس وخبط الباب بقوته فتح له والدها وعلى وجهه علامات ازعاج.

_في اي يا عمر

_فين بنتك

_عاوز اي تاني مش خدت ابنك في اي

_ابنى راح ابنى اتخطف واكيد بنتك اللي. عملت كدا

_لا طبعا دا ابنها ولو عاوزه تاخده هتاخده بالقانون

خرجت ريهام على الصوت

_في اي عاوز اي تانى

قرب منها وبكل قوته مسك أيدها انتى وديتي ابني فين عملتي اي انطقى وبطلي البرود دا

_في اي انا معرفش حاجه يحيي ماله

_بقى مش عارفه ماله صح مش عارفه ابنى اتخطف واكيد انتى اللي وراها صح

_لا طبعا انا معملتش كدا ولو عاوزة اخده هاخده بالمحكمة مش انت اللي هتاخده شوف السنيوره ودته فين ولا يمكن هى اللي خطفته ولا كل حاجه ريهام ريهام ومفيش الا انا اللي شريره في الحدوته دي

_طبعا مفيش غيرك انتى مش شايفه انتى عامله اي وعملتي اي في ابنك

_مش انا لوحدي يا عمر وانت كمان السبب معايا وإذا كنت انت بتكرهنى قيراط فانا بكرهك ٢٤قيراط وهحملك المسئوليه كامله

من غير رد خرج عمر وقفل الباب بقوه