- نهاركِ أسود أنتي مين ودخلتي أوضتي ازاي!
- فك فريد الكرفته وهو بيرجع راسه ع الكرسي" أنت بتتريق ي فاشل ع الأقل أنا ماسك شغل العيلة وبسد في أي حاجة الدور والباقي ع إلا مقضيها سرمحة طول الوقت
- جيت للمفيد بقولك ايه بمناسبة السرمحة في بنتين معانا دلوقتي إنما أيه نفس المواصفات إلا أنت عينك عليها ها قولت أيه
- هو أنت مش هتبطل وساخة بقي وتنضف شويه !
- يابني بقولك ع ذوقك أنا أول ما شوفتهم أفتكرتك ع طول دول أصلا مش من مصر أنا أتفقت معاهم ع ساعتين بالعافية
- اتعدل بإهتمام " أحم أنت متأكد أنهم حلوين بجد ولا زي كل مرة !
- ضحك وهو بيغمز ل وائل " عيب عليك هو أنا هجيبك ع أي حاجة برضو تعالي بسرعة أحنا في الفيلا المهجورة إلا ع طريق إسكندرية الصحراوي
- أيه دا أشمعنا غيرتوا المكان المرة دي !؟
- اا أصل أه أصل البنات دي جت معانا بشرط أن عددنا ميزدش عن تلاته وأنت عارف بقي لو روحنا الشقة الشلة كلها هتقوم بالواجب أوعي تقول لحد منهم أنك جاي أنا مقولتش غير ليك أنت
- تصدق يالا أنت طلعت جدع وأنا إلا كنت ظالمك
- حبيبي ي أبو الصحاب يالا بقي علشان الوقت بيجري
- مسافة الطريق وهكون عندك
- ها قالك ايه ؟
- هه قال صعبان عليك قال أهو جه يجري أهو ي حنين مجبنهوش من الجامع يعني
- يالا نظبط كل حاجة لحد ما ييجي
- يعني أيه
- يووه أنت كل حاجة تسأل كدا تعالي ورايا وأنت ساكت
" عند فيلا عادل "
- أفتح البوابة
- أنت مين وعاوز ايه
- نزل حمزة بغضب وهو ماسك المسدس " أبعد عن طريقي أحسنلك
" فتح البوابة ودخل بسرعة كسر الباب وهو بيدور ع عادل في كل حتة ملقهوش طلع ع الدور التاني وهو بيدور في كل الأوضة لحد ما وصل أوضة فيها ضوء خافت "
- فتح الباب بدفعة إبتسم بسخرية " الله أنا جيت في وقت مش مناسب ولا ايه !
- قام مخضوض" ايه دا في أيه
- رفع المسدس في وشه" بقولك ايه أي حركة هحجزلك تذكرة مستعجل لجهنم وأنت بمنظرك دا
- ي لهووي مين دا
- بسخرية " مين الحلوة دي ي عدولة هو أنا مش حاضر دفنة مراتك بنفسي من سنتين !
- أنت أتجننت أزاي توصل بيك الجرآة تدخل عليا أوضة نومي ي حيوان
- رفع المسدس بغضب " أنا مش جاي أخد وأدي معاك في الكلام وعد فين
- بغضب " وعد مين إلا جايلي لحد هنا تسأل عليها أنا معرفش حد بالاسم دا
- ضرب طلقة في برواز ع الحيطة صرخت الست إلا مع عادل " لا والنبي أنا مش عاوز أموت
- قومي أنتي أطلعي برااا
- حمزة إلا بتعمله دا غلط
- شده من ع السرير ووقفه قدامه بزعيق " خطفت مراتي ليييه !!؟
- والله ما عرف أنك متجوز أصلا هو أنا هخطفها ليه بس
- بغضب طلع حمزة التلفون وحطه قدامه " العربية دي مش عربيتك !!
- وهو لو أنا عاوز أخطف مراتك هاجي اخطفها من بيتك وكمان بعربيتي !
- عمر السلاح بضيق" أنا مش فاضي لكلام النسوان دا العربية بأسمك يبقي أنت إلا خاطفها
- أكيد دا سوء تفاهم هي فعلا بأسمي بس إلا بيستخدمها هو سيف أبني صاحب أخوك فريد طبيعي تلاقي العربية عند الفيلا لأنهم صحاب
- أبنك دا ألاقيه فين !
- ملكش دعوة بيه أنا أبني لا يمكن يعمل حاجة زي دي
وبعدين هو ملوش في البيسنس خالص هيعمل كدا ليه
- زقه بشمئزاز وهو خارج " ملوش في البيسنس بس اكيد ليه في الوساخ*ة زي أبوه
" خرج وهو بيرن ع فريد "
- رد بقي ي أخي دا أنا مكنتش بخلص من زنك قبل كدا
" شاف فريد الاسم ع شاشة التلفون وهو سايق"
