سكريبت اتحداك بقلم سولييه نصار2

في اليوم اللي سبتني فيه وانا رميتك من حياتي خلاص ...فوق يا عصام أنا دلوقتي مجرد مصممة ديكور لفرحك. ...فرحك علي اختي ...أنا ليا بس اصمم الفرح مكان السلسلة اللي ضاعت واقسم بالله لو الهبل ده اتكرر تاني أنا همشي واعلي ما خيلك اركبه ...وبعدين طلعت من الاوضة ومشيت بسرعة ...
قعدت علي الأرض وانا مصډوم حاسس اني هتجنن كل حاجة پتنهار ...حاربت عشان يقلل من شأني بس طلعت أنا اللي بتكسر وانا بشوفها مش مدياني أي اهتمام ...حتي في عينيها
مبقتش اشوف حب زي الأول وده كان هيجنني ...هي مش مفروض بتحبني ...مفروض تبين ..ده لا هي بتحبني أنا متأكد وانا هصبر عليها .. هصبر لحد ما تركع علي رجليها وتطلب مني اني ارجعلها ...هذلها زي ما ذلتني. 
مرت الايام وتعامل لبيدة كان مع سهيلة بس وفيه تجاهل متبادل بيني وبينها ..افتكرت ان ده هيضايقها بس حسيت ان ولا في دماغها وبدأت ثقتي تقل ...معقول محبتنيش معقول!!هي قالتلي اني حياتها ...طب ازاي ...كنت بټحرق من جوا...حاسس ببراكين جوايا الفرح بيقرب بس أنا تعيس وولحظة اتمنيت ان الزمن يرجع ومكنتش بعدت عنها رغم اني عايز ااقلل من شأنها واجرحها الا ان جزء مني حبها وكان عايز يمتلكها ...فكرة ان حد تاني ممكن ياخدها مني كانت مجنناني ...وخصوصا اني لاحظت ان ابن خالها بدأ يقرب منها ... كنت براقبها لما تروح البيت وهناك كنت بشوفه بيتردد عليهم ... ڼار الغيرة كانت مموتاني وانا دماغي بتروح وبتيجي ..علاء ابن خالها كان بيحبها اووي بس هي كانت بتعتبره اخوها وبعد لما عرف انها خطبت واهو رجع تاني...كنت متوتر وخاېف ومهزوز وانا بشوفه بيقرب وانا ببعد...لا...لا هي بتحبني أنا متقدرش تحب غيري ....عشان كده اخدت شوية قرارات عشان ترجعلي ....
تاني يوم
يعني ايه عايز تفسخ الخطوبة هو أنا لعبة في ايديك...
بصتلها ببرود وقولت
انتي عارفة اني مش بحبك بلاش دراما خلاص لعبة ولعبناها وانا مليت. ...
وشها بهت وعيونها دمعت وقالت 
انا حبيتك
ابتسمت وقولت بغرور
هو انتي فاكرة اني هحبك يا سهيلة لا بجد انتي اكيد انتي مچنونة ...أنا هبصلك انتي ازاي ده انتي كنتي ماشية معايا وانا خطيب اختك والله اعلم عملتي ايه تاني ...أنا رميت لبيدة تفتكري مش هرميكي انتي ...
قومت وانا حاسس بالانتصار وقولت
صحيح الهدايا اللي جيبتها خليها معاكي تعويض ليكي...
وبعدين مشيت وانا فرحان...
قعدت في عربيتي وبعدين قررت اطلع تليفوني واتصل بحد ...لبيدة أكيد هتفرح بالمفاجأة دي ...
اتصلت باللي هيطبعلي كروت الفرح وقولتله
ايوة يا استاذ وليد أنا عصام بقولك عايزك تغير اسم العروسة في مرت الفرح من سهيلة
للبيدة وتحتفظ بإسم الاب !
يتبع
أتحداك
الجزء السادس 
كارم بقا يتمرد عليا يا شيخنا ...انت حصل لعفاريتك ايه !!
بصلها الدجال وقال
انتي عارفة يا هانم ان جوزك اخد علي السحر وخلاص فيه حاجات مبقتش تنفع معاه لازم نعمله سحر اقوي ...يعني فلوس اكتر ...
بصتله سميرة ببرود وقالت
هديك اللي انت عايزه بس المهم كارم يبقي خاتم في صباعي ...
دخلت سميرة البيت وهي معاها القزازة وخفياها كويس ...ابتسامة شړيرة كانت علي شفايفها....يااه أخيرا هترجع تسيطر عليه الايام اللي فاتت كارم بقي متمرد بشكل غريب لدرجة انها شافته ليحاول يتواصل مع كريمة بس هي اللي صدته ...بس سميرة
مكانتش تعرف ان الدجال كان بيستغل سذاجتها عشان ياخد منها فلوس زيادة ....بهتت سميرة فجأة وهي لاقية بنتها مفحومة من العياط ...جرت عليها پخوف وهي بتقول
مالك يا بنتي !
بصتلها سهيلة وقالت
سابني