رواية ذئب في الكواليس
عليكي صدقيني يا ياسمين الدور عليكي
ياسمين .. هو في ايه بالظبط ؟!! انا حاسة انك عارف حاجة وساكت !!
وفجأة تدخل هند ومعها الشيخ سماحي وهي تقول
هند .. اتفضل يا مولانا
سماحي .. السلام عليكم
شريف يراها يرتبك فيقول
شريف .. لما تتفقوا كلموني سلاموا عليكم .. ثم يخرج مسرعا وهند تتعجب لرؤيته وينظران لبعضهما البعض في ذهول
ياسمين .. انتي كنتي فين ؟!!
هند .. انا كنت بدور ع الحقيقة والحمد لله قدرت اوصلها عشان تعرفي اني انا ومني ورباب اشرف بنات في الدنيا كلها
ياسمين .. انتي بتقولي ايه دا فريد قالي علي كل حاجة خلاص .. كفاية كدب بقي ؟!! اتكلم يا فريد
ثم تلتفت ناحية فريد فلا تجده فقد اختفي فجأة
ياسمين .. ايه ده !! فريد راح فين ؟!! كان واقف هنا حالا؟!!
الاحداث تتصاعد وقد اقتربنا من حل اللغز .. تابعوني والبارت السابع عشر .. تحياتي .. الكاتب المصري محمد مالك.
رواية ذئب في الكواليس
البارت السابع عشر
للكاتب المصري محمد مالك
جميع الحقوق محفوظة
الشيخ سماحي ينظر يمينا ويسارا الي داخل الشقة وتقع عيناه علي لوحة معلقة علي الحائط انها لوحة لأربعة من القطط السيامي البيضاء ينظرون من داخل ثبت فيرتبك وتحمر عيناه ثم يقول
سماحي .. يا لطيف !! لا لا هو الاشول عندكم هنا ؟!
ياسمين .. اشول مين ؟!!
سماحي .. الخُطاف !!
ياسمين .. انت بتقول ايه انا مش فاهمه حاجة ؟!! مين دا يا هند ؟!!
هند .. دا الشيخ سماحي الي هيقولك سبب اللي احنا فيه دا ايه ؟!! اتكلم يا شيخ سماحي
سماحي .. اتكلم اقول ايه ؟!! مفيش كلام انا مكنتش اعرف ان الموضوع كدا !! انسي كل الكلام اللي قلتهولك .. الله يعينك يا بنتي انتي وهي .. سلاموا عليكم
ثم ينصرف وتتعجب هند وياسمين
ياسمين .. مكنتش اتوقع ان في يوم من الايام انك تغلطي مع شريف السباك .. طب كنتي استنضفي ؟!!
هند .. شريف مين وزفت مين ؟!! انا مغلطتش مع حد كل اللي بيحصلنا دا من اثر سـ،0ـحر اسود .. دا كلام الشيخ سماحي
ياسمين .. ودا شيخ بجد ولا واحد اتفقتي معاه يقول كلمتين عشان يبرأك قدامنا .. مع انه متكلمش يعني !! وازاي جايه تقولي سـحړ وفي نفس الوقت اتصلتي ب فريد وقلتيله انك غلطتي مع شريف السباك ؟!!
هند .. ايه !! انا اتصلت ب فريد ؟! انا ما اتصلتش بحد خالص ولا كلمت حد ومين العره ده اللي انا اسلمه نفسي ؟!! انتي اتجننتي ؟!!
ياسمين .. ايوا بس شريف جه واكد كلام فريد وقال انه مستعد يصلح غلطته معاكي ويتجوزك ؟!!
هند .. يصلح غلطته معايا !! انا معرفوش اصلا ولا عمري حتي افكر اعبره !! اه يا ابن الكلپ يا واطي
وفجأة يدخل فريد
فريد .. ياه .. لفيت الدنيا كلها عشان اجيب علبة س0جاير ماليب0وروا !! المنطقه هنا عندكم فقيره اوي اخرها سجا0ير كلي0وباترا !!
ياسمين .. انت رحت فين ؟!!
فريد .. ما انا لسه بقول اهوه !! نزلت اجيب علبة سجا0ير
ياسمين .. انت مش لسة قايلي ان هند كلمتك وقالتلك الحقني انا في مص0يبه وانها غلطت مع شريف السباك وانت كلمته وجه هنا واكد الكلام ده وانه مستعد يصلح غلطته؟!!
فريد .. حصل طبعا
هند .. طبعا مين يا حيوان انت ؟!! انا كلمتك اصلا ؟؟!
فريد .. انتي هتستهبلي ؟!! انتي مش مكلماني من شوية وكنتي منهاره وحكتيلي الكلمتين دول وقلتيلي تعالي ع البيت وانا جيت ولما فتحتيلي الشقة ودخلت اخدتي بعضك ونزلتي جري .. حتي ندهت عليكي مردتيش ؟!! حتي اختك كمان جت لقيتني هنا مستنيكي
ياسمين .. فعلا انا رجعت لقيته جوا الشقة ولما سألته قالي انك فتحتيله ومشيتي علطول
هند .. كدابين !! محصلش .. انا لا كلمت حد ولا رجعت من اساسه هنا .. انتوا هتتفقوا مع بعض عليا ولا أيه ؟!!
فريد .. هههههه .. طب وشريف السباك كداب هو كمان؟!!
هند .. دا انا هقطع الجزمة علي دماغة وهو وابوه
ثم تخرج مسرعة وخلفها فريد ..
فريد الان في محل البيتزا الخاص به سارح مذهول يحادث نفسه
فريد .. معقول مني ورباب وهند يطلعوا وليعوذبالله ؟!! يا ساتر يارب .. بس ازاي؟!! دول متربين احسن تربيه والحته كلها كانت تحلف بأخلاقهم وتربيتهم !! ياما تحت السواهي دواهي ياولاد .. يقطع خلفة البنات واللي عايزها موراهمش غير الهم والعار .. منكم لله ضيعتوا ش0رف العيلة وسمعتها في الطين !!
وفجأة يرن التليفون المحمول والمتصل ياسمين
فريد .. الو .. ايوا يا ياسمين
ياسمين .. فريد انا تعبانه اوي وعايزاك تجيني الشقة حالا
فريد .. خير في حاجة ؟!! حد اتعرضلكم تاني ؟!!
