روايه رائعه منقوله

دي عشان تحاول تنساني بيها..بس لا يا زين..انت مستحيل تنساني بالسهوله دي وانا مستحيل اسمح للبنت دي انها تتهنى بيك ابدا وتعيش معاك الا انا عشت احلم بيه وبصت جانيت للاعلى وطلعت في اتجاه غرفة زين وعليا.. وكانت عليا جهزت بكل حماس وفي انتظار زين...وفي الوقت دا سمعت صوت خبط علي الباب وفكرت انه زين .. بس لو زين رجع هيقف يخبط ويستأذن عشان يدخل..اكيد لا طبعا..وقفت وفتحت الباب بهدوء واتفاجأت ب جانيت واقفه وبتبتسم لها بهدوء واتكلمت جانيت بمكر انا اسفه اني بخبط عليكي دلوقتي بس بصراحه انا كنت قاعده زهقانه اوي لوحدي وقولت اجي ندردش مع بعض شويه بصتلها عليا بدهشه كبيره جدا وهي بتفكر دردشة ايه دلوقتي ! رفعت جانيت اديها وهي بتحركها قدام عين عليا واتكلمت بدهشه انتي سمعاني !!! هزت عليا راسها ب ااه وسمحتلها بالدخول.. دخلت جانيت الغرفه وهي بتشم برفان زين الا مالي الغرفه بستمتاع شديد وبصتلها عليا بدهشه وهي مش فاهمه حاجه وشاروت عليا علي كرسين في الغرفه واتكلمت بكل ذوق تحبي نقعد هنا ولا نقعد في البلكون احسن بصت جانيت علي السرير وهي حقيقي نفسها ت المكان الا بينام عليه زين وشاورت علي السرير وقالتلها نقعد هنا احسن بصت عليا علي المكان الا بتشاور عليه ولقتها بتشاور علي السرير واستغربت جدا وسألتها بهدوء انتي متاكده ابتسمت جانيت وسبقتها وقعدت علي السرير وهي بتمرر ايديها عليه برقه وبتتمنى بينها وبين نفسها لو كانت هي مكان عليا وان كانت دي تبقى غرفتها ودا سريرها وزين جوزها اكيد كانت هتكون اسعد انسانه في الدنيا.. اتكلمت عليا وخرجتها من الاحلام الوهميه والمحرمه الا هي عايشه فيها وسألتها باهتمام انتي كويسه بصتلها جانيت بعد ما صوت عليا خرجها من احلامها وردت عليها بمكر اه كويسه اطمني..قوليلي يا عليا..انتي مبسوطه مع زين استغربت عليا جدا من سؤالها دا وردت عليها بهدوء اه الحمدلله بصتلها جانيت بابتسامه كانت بتداري بيها الحقد والكره الا مالي قلبها وكانت بتفكر بينها وبين نفسها وبتقول طبعا لازم تكون مبسوطه معاه..مش زيي متجوزه راجل اكبر من بابا وكمان عنده القلب وعملني ممرضه ليه بصتلها عليا وهي حسه ان جانيت دي فيها حاجه غريبه ومش مريحه ابدا وسألتها بهدوء وانتي قوليلي..انتي مبسوطه مع بابا زين ابتسمت جانيت بسخريه لاحظتها عليا وقالت جداااااا انتي مش متخيله انا مبسوطه معاه اد ايه اتكلمت عليا بصوت منخفض جدا بينها وبين نفسها وقالت بسخريه لا واضح ان انتي مبسوطه معاه جداااااا اتكلمت جانيت وسألتها بمكر عليا انتي حقيقي مرات زين ولا بنت من الا بيجوا هنا يقضوه معاه كام يوم ويمشوا تاني وقفت عليا بصدممه وجنون وقالتلها نعععم انتي بتقولي ايه !... اتكلمت جانيت وسألتها بمكر عليا انتي حقيقي مرات زين ولا بنت من الا بيجوا هنا يقضوه معاه كام يوم ويمشوا تاني وقفت عليا بصدممه وجنون وقالتلها نعععم انتي بتقولي ايه !..انا طبعا مراته وجواز شرعي كمان علي يد مأذون وبابا الله يرحمه الا مجوزني ليه بنفسه وبصت قدامها وهي بتسترجع كلام جانيت وبصتلها مرة تانيه وقالتلها بس لحظه كدا انتي قولتي ايه ! قولتي بيجيب بنات هنا من غير جواز وبيقضوا معاه كام يوم ويمشوا..انتي قولتي كدا دلوقتي صح !! بصتلها جانيت وهي بتدعي انها قالت كدا عن طريق الخطاء واتكلمت وهي بتدعي البرأه جانيت انا اسفه يا عليا بس انا مكنتش اعرف ان انتي متعرفيش..انا كنت فكراكي عارفه الموضوع دا وعارفه كل حاجه عن زين وانه كل فتره يجيب واحده ويقول مراتي وشويه ويزهق منها ويمشيها..يعني الموضوع بالنسباله مش اكتر من لعبه. اټصدمة عليا وهي بتفكر بينها وبين نفسها.. لعبه.. ايوا صح..لعبه..انا جوازي من زين فعلا لعبه..وجيت هنا معاه وانا بساعده انه ينفذ اللعبه دي.. معقول الاتفاق الا عمله معايا دا كان بيعمله مع بنات قبلي..معقول هو قذر للدرجادي وقفت عليا تلف حوالين نفسها بصدممه وهي ھتتجن ومش عارفه تقول ايه او تعمل ايه الموقف كان صعب عليها جدا ومش مصدقه انه قدر يضحك عليها بالشكل دا ابتسمت جانيت برضا لما شافت واتأكدت ان عليا صدقتها وقربت منها واتكلمت بمكر جانيت المهم يا عليا انتي هتعملي ايه دلوقتي بعد ماعرفتي بصتلها عليا وهي حقيقي مصدومه وبتفكر وللاسف عقلها غير مستوعب لاي شئ اتكلمت عليا بقوة هواجهم طبعا هو وجده ووالده واخوه واعرف منهم ازاي هما فاتحين بيتهم لخره دي وازاي ناس زيهم يوافقوا ان ابنهم يعمل علاقات محرمه جوه بيتهم وهما بيشجعوه بالشكل دا اتوترت جانيت ونظرت پخوف ل عليا وهي مړعوبه لو عليا عملت كدا وقالت ان جانيت هي الا قالتلها الكلام دا جانيت وقتها هتتفضح قدام الكل واتكلمت جانيت بتوتر لأ عليا لا اوعي تعملي كدا..انتي لو عملتي كدا هتأذيني انا بصتلها عليا بدهشه وهي بتفكر يعني ايه لو عملت كدا أئذيها وايه الا يأذيها في حاجه زي دي اتكلمت عليا بدهشه وقالتلها هأذيكي انتي ازاي انا مش فاهمه اتوترت جانيت اكتر وهي بتحاول تفكر في اي رد يكون مقنع تقدر تقنع بيه عليا و ردت جانيت بتوتر وهي بتحاول تفكر في اي سبب يمنع ان عليا تفتح الموضوع دا بالطريقه دي جانيت بتوتر ااصل لو كمال جوزي عرف ان انا الا عرفتك الا زين بيعمله طبعا هيطلقني ويرميني في الشارع وانا مليش حد يا عليا انا في الدنيا دي لوحدي وبحب جوزي ومش عايزه اتحرم منه بصتلها عليا بدهشه وبدأت تحزن عليها وهي بتفكر انها واضح انها وحيده زيها والبيت دا اصبح الامان ليها زي ما اصبح ل عليا وخاڤت عليا انها تتسبب في أذيتها فعلا او خروجها من البيت دا يبقى بسببها وبصتلها عليا وحاولت تطمنها.. واتكلمت عليا بهدوء وقالتلها ماتقلقيش انا مش هجيب سيرتك اصلا اتوترت جانيت اكتر وهي مش قادرة تشرح لعليا انها متتكلمش اساسا في الموضوع دا بطريقه مباشره... و ردت جانيت بتوتر انتي لو اتكلمتي اصلا في الموضوع هيفهموا ان انا الا قولتلك..ارجوكي يا عليا بلاش وممكن ټنتقمي من زين من غير ماتعرفيه ان انتي عرفتي حاجه..كدا هيبقى احسن وكمان عشان يبقى مطمن ليكي اكتر..صح بصتلها عليا وهي بتفكر في كلامها وحسه ان في حاجه غريبه في كلام جانيت واسلوبها وتوترها كله غريب جدا واتكلمت عليا وقالتلها صح..انتي عندك حق..بس انا مش عارفه انا هنتقم منه ازاي ابتسم جانيت بسعاده وعنيها لمعت واتكلمت بحماس جانيت بقوة تطلقي منه طبعا.. اطلبي الطلاق واخلص منه خالص بصتلها عليا بحزن واتكلمت بسخريه عليا بسخريه هو انتي فاكره ان انا معملتش كدا.. انا طلبت منه الطلاق اكتر من مرة وهو رافض بصتلها جانيت پحقد لما عرفت ان زين متمسك بيها للدرجادي يعني زين بيحبها بجد وهي بالنسبه له مش مجرد لعبه بيتسلى بيها او لعبه بيحاول يبعد بيها عن جانيت واتكلمت جانيت وقالتلها خلاص انا هفكرلك في خطه تخلصك من زين والبيت دا خالص.. بس انا لازم ارجع اوضتي دلوقتي عشان ممكن زين يرجع في اي وقت ويشوفني هنا ابتسمت لها عليا وشكرتها انها هتقف معاها وتساعدها عليا حقيقي انا مش عارفه اشكرك ازاي جانيت .. ابتسمت جانيت وكانت سعيده جدا انها قدرت تقنع عليا انها لعبه بالنسبه ل زين ردت جانيت وهي بتدعي البرائه.. جانيت العفو حبيبتي متقوليش كدا وخرجت جانيت من غرفة عليا وقبل ماتقفل الباب وراها بصت ل عليا وقالتلها.. جانيت عليا.. انا عيزاكي تطمني طول مانا موجوده وماتقلقيش انا هسافر معاكم وهكون دايما جنبك ابتسمت عليا بهدوء وهزت راسها بتأكيد عليا طبعا انا واثقه فيكي جانيت ابتسمت جانيت ونظرت لها عليا وهي لسه مصدومه من الا عرفته وقفلت جانيت الباب وراها بهدوء ووقفت عليا تبص علي الباب واتبدلت نظرتها للقوة وقالت بسخريه عليا مطمنه يا عقربه طول ما انتي موجوده ماتقلقيش وعارفه ان انتي مش هترتاحي غير لما انا اكون في الشارع ايوا...عليا كانت فاهمه وعارفه ان جانيت كذابه وكانت شايفه الحقد والكره جوه عنيها لان الانسان بطبيعته يقدر يتحكم ويغير ملامحه وكلامه عشان يقنعك انه بيحبك وخاېف عليك..لكن الحاجه الوحيده الا مستحيل يقدر يتحكم فيها هي عنيه..العين دايما بتعكس الا جوه القلب سواء خير او شړ..وعليا كانت شايفه الشړ جوه عين جانيت بوضوح..وطبعا كلام جانيت مكنش مقنع ابدا واكبر دليل بيثبت ان جانيت كدابه هو ان عليا عرفت جد زين كويس وعارفه انه راجل محترم ويعرف ربنا ومستحيل يوافق ان حفيده يعمل حاجه محرمه زي دي في بيته ابدا او في اي مكان عموما وكمان زين واضح جدا انه مش من الشخصيات دي وهي عارفه ومتأكده انه متجوز وهو بنفسه قالها انه بيحب مراته ومستحيل ېخونها..وحتى لو عمل اي حاجه هي ملهاش دعوه هي عايشه هنا فتره مؤقته وهترجع تاني ل حياتها. دخل زين الغرفه وبصلها وهي قاعده بتفكر بشرود كدا وابتسم بهدوء وقالها زين جاهزه بصتله عليا بعمق وهي بتفكر في كلام جانيت وبتفكر ليه جانيت قالت كدا عليه وايه هدفها..حاولت تبعد كل دا عن تفكيرها وردت عليه بهدوء عليا ايوا جاهزه بصلها زين بدهشه وحس انها متغيره وفي حاجه بتفكر فيها وشاغله تفكيرها لكن مهتمش ابدا وقالها بهدوء زين طب يلا بينا واخدها ونزلوا وكان زياد في انتظارهم تحت بحماس وسلمت عليا علي الجد عليا متتأخرش يا جدي وتعالى على طول انا هستناك ابتسم الجد ورد بسعاده مش هتأخر متقلقيش نظر لها والد زين الا لأول مرة يبتسم لها بهدوء واتكلم والد زين وقال جانيت هتيجلكم علي اخر الاسبوع ووجه كلامه ل زين مش هوصيك عليها يا زين تخلى بالك منها اتغيرت ملامح زين للڠضب ولحظتها عليا جدا وهز زين راسه بهدوء واخد عليا وزياد وخرجوا من البيت في طريقهم للسفر للقرية السياحيه بتعاهم الا اشتروها من فترة قريبه والافتتاح م عيلة الشافعي بعد اسبوعين...رواية زوجة ابن الأصول بقلمي ملك إبراهيم..بعد وقت طويل وصلوا القرية السياحيه بتاعهم وكانت حاجه جمالها فوق الوصف وابتسم زياد ل عليا بحماس كبير وهما لسه جوه العربيه وكانوا بيبصوا حواليهم وشايفين سحر المكان واتكلم زياد بحماس وقالها بصي احنا هنا مفيش نوم
ولا راحه..انا هسمحلك ترتاحي النهارده بس لكن من