رواية ســ*م قــ*اتل
( عاصي جه يقفل الباب واحد منهم زق الباب بأيديه )
واحد من الرجاله: أحب ادخل اشوفه بنفسي اذا كان هنا ولا لاء
عاصي: ولو ما دخلتش
واحد من الرجاله: ( وعنيه كلها شر ) يبقي هدخل غصب عنك
الراجل رفع الشومه وجه يضرب عاصي بيها.. عاصي رفع ايده ومسك الشومه بأيديه وشدها من الراجل وضربه علي راسه وقعه في الارض
الراجل التاني كان معاه مط"وه رفعها في وش عاصي وبقي عاوز يغرز المط"وه في وش عاصي.. عاصي بقي بيبعد وشه شمال ويمين عن المط"وه لحد ما مسك ايده اللي ماسك بيها المط"وه وبقي يضربها في الباب لحد ما وقعها في الارض ومسكه ضربه ووقعه في الارض والاتنين بقوا في الارض مرميين
( عاصي وهو بيتكلم بتعب )
عاصي: ( بيمسح الد"م من جانب شفايفه بأيديه وبيتكلم وهو بينهج ) قولتلكم.. ما. ما.. مافيش حد هنا اسمه مروان وتف عليهم الرجاله قامت بالعافيه وطلعوا يجروا وقفل الباب ودخل
(بدور بسرعه جريت عليه )
بدور: ( بخوف ولهفه وهي ماسكه الملايه بأيديها عشان ماتقعش منها ) عاصي.. عاصي انت كويس
عاصي قعد علي الكنبه اللي بره والجرح اللي في ضهره اتفتح
عاصي: (وهو مغمض عنيه وبيتألم ) انا.. انا.. كويس
بدور لفت ورا ضهره لاقت ضهره بيجيب د"م
بدور: خليك هنا ما تتحركش.. ( وهي بتبعد خطوات ) انا جايه حالا
بدور دخلت بسرعه جابت الشاش والقطن عشان تغيرله علي الجرح وبقت تعمل اللي الدكتور قالها عليه بالظبط
بدور: ( وهي ماسكه الحاجه وكانت ورا ضهر عاصي ) ممكن ما تتحركش خالص
عاصي: ( ابتسم ) بقيتي دكتوره دلوقتي
بدور: ( وهي بتنضفله الجرح ) انت بتتريق.. طيب ايه رايك بقي اني كان فعلا حلم عمرى اني اطلع دكتوره
عاصي: ومطلعتيش ليه ؟
بدور: عشان الاحلام ما بتتحققش للي زينا
عاصي: للي زيكم يعني ايه ؟
بدور: يعني اللي مالهمش اهل ياعاصي.. اللي زينا مالهمش حق حتي يحلموا.. كل حلمهم انهم يعيشوا اليوم بيومه مش اكتر وان اليوم يعدي علينا من غير مشاكل
عاصي: للدرجه دي عيشتي حياه صعبه
بدور: ولسه بعيشها وهفضل اعيشها طول عمرى
(بدور كانت بتلف الشاش علي ضهر عاصي )
بدور: ارفع ايدك لفوق
عاصي: ( رفع ايده وهو رافع ايده ) مالكيش اي احلام تانيه غير انك تكملي تعليمك وتبقي دكتوره
بدور: أه ليا..
عاصي: اي احلامك تاني
بدور: وانت عايز تعرف ليه ؟
عاصي: لو مش عايزه تقولي بلاش
بدور: يبقي بلاش احسن
( حطت الشاش والقطن جنبها )
انا خلصت.. وخللي بالك البلطجيه اللي جت دي مش هتسيبنا في حالنا هييجوا تاني
عاصي: مايهمنيش
بدور: وقفت قدامه بس انا يهمني ياعاصي..
عاصي ابتدي يغمض عنيه ويفرك فيهم
بدور: عاصي.. عاصي فيك ايه😳😳
--------------------------( في نفس الوقت )-------------------------
غالب كان قاعد علي المكتب بتاعه وبيكلم دكتوره احسان
غالب: ماقولتليش بقي تعرفي عاصي منين؟
دكتوره احسان: هو حضرتك تقرب لاذستاذ عاصي
غالب: اه.. طبعا.. ده يبقي عمي
دكتوره احسان: بجد طيب كويس اوي.. انا بس كنت عايزه اطمن عليه وخصوصا عشان الرصاصه اللي في ضهره
غالب: ( افتكر وهو بيضرب الرصاصه علي بدور وجت في عاصي ) اه.. اه فعلا الرصاصه اللي في ضهره.. دي فعلا مأثره عليه جدا بس ماقولتليش انتي عرفتي منين انه مضروب بالنار
الدكتوره احسان: هو تقريبا كده اتضرب الرصاصه دي قريب من المنطقه بتاعتنا وفي بنت اسمها بدور بتقول انها مراته
غالب: (باستغراب وضم حواجبه ) مراته
الدكتوره احسان: لاااااا.. ما انا.. ما انا ماصدقتهاش خالص يا اذستااااذ....
غالب: غالب اسمي غالب
الدكتوره احسان: انا ماصدقتهاش يااذستاذ غالب خالص
بقلمي ماهي احمد
غالب: طيب انا بقي عايزك تحكيلي كل حاجه حصلت معاكي بالظبط
دكتوره احسان: كل حاجه.. كل حاجه
غالب: ايوه
دكتوره احسان: تحت امرك
دكتوره احسان ابتدت تحكي كل حاجه لغالب
-------------------------( بقلمي ماهي احمد ) ----------------------
في نفس الوقت
بدور: عاصي.. عاصي فيك ايه رد عليا
عاصي وقع في الارض وبقي جسمه كله يترج ويترعش بدور بسرعه بقت تشده من دراعه علي قد ما تقدر ودخلته الاوضه بالعافيه وسابته في الارض وطلعت بسرعه بره وجابت قفل ورزه من الشنط اللي كانت جيباها وبقت تركبها علي الباب قبل ما عاصي يتغير ويرجع شرس زي الاول
بقلمي ماهي احمد
وقفلت عليه الاوضه بالقفل
وبعدها بقت تسمع اصوات غريبه من بره وعاصي بيكلم حد
عاصي: ايوه يابابا بس انت بتقول ايه..
الاب:______________
عاصي: انا ممكن اعمل اي حاجه بس فيروزه ترجعلي
الاب:_________________
عاصي: بس فيروزه ماتت انا قتلتها بأيديه دوول
عاصي لما الهلاوس بتجيله بيتخيل والده معاه وكأنه حقيقي ماماتش مره يتخيله شرير واوقات بسيطه بيتخيله انه طيب بس في الاغلب كان بيتخيله بشخصيه باباه وهي الشر
بدور بقت تسمع كلام عاصي وهي بره اتنهدت واتضايقت جدا من اللي بيحصل لعاصي وبقت تكمل شغل البيت وغسلت الغسيل وتحضر الاكل لعاصي لحد ما يرجع لحالته الطبيعيه
------------------------------( بقلمي مآآهي آآحمد )------------------
